బోధన్ మార్కెట్ కమిటీ చైర్మన్‌గా నాగేశ్వరరావు బాధ్యతల స్వీకరణ

బోధన్ వ్యవసాయ మార్కెట్ కమిటీ చైర్మన్‌గా నియమితులైన నాగేశ్వరరావును కాంగ్రెస్ నాయకులు ఘనంగా సన్మానించారు. సోమవారం నిర్వహించిన కార్యక్రమంలో కాంగ్రెస్ సీనియర్ నాయకులు ధనుంజయ రెడ్డితో పాటు పలువురు నాయకులు నాగేశ్వరరావును అభినందించారు. రైతు కుటుంబానికి చెందిన నాగేశ్వరరావుకు మార్కెట్ కమిటీ చైర్మన్ బాధ్యతలు అప్పగించడంపై కాంగ్రెస్ శ్రేణులు హర్షం వ్యక్తం చేశాయి. రైతుల సమస్యలను నేరుగా తెలుసుకుని, వాటి పరిష్కారానికి కృషి చేసే అవకాశం ఆయనకు లభించిందని నాయకులు పేర్కొన్నారు. బోధన్ ఎమ్మెల్యే, ప్రభుత్వ సలహాదారు సుదర్శన్ రెడ్డి సహకారంతో రైతులు ఎదుర్కొంటున్న సమస్యలను ఎప్పటికప్పుడు ప్రభుత్వం దృష్టికి తీసుకెళ్లేలా నాగేశ్వరరావు పనిచేస్తారని వారు ఆకాంక్షించారు. మార్కెట్ కమిటీ అభివృద్ధితో పాటు రైతులు, ప్రభుత్వం మధ్య సమన్వయానికి ఆయన వారధిగా వ్యవహరించాలని కోరారు. ఈ సన్మాన కార్యక్రమంలో శ్రీనివాస్, శ్రీనివాస్ రెడ్డి, మురళీకృష్ణ తదితరులు పాల్గొన్నారు.