తాగునీటి సరఫరాలో అంతరాయం లేకుండా చూడాలి: ఆర్‌డబ్ల్యూఎస్‌ ఎస్‌ఈ కవిత

బొబ్బిలి రూరల్‌: గ్రామీణ ప్రాంతాల్లో తాగునీటి సరఫరాలో ఎలాంటి అంతరాయం లేకుండా పటిష్ఠ చర్యలు చేపట్టాలని ఆర్‌డబ్ల్యూఎస్‌ ఎస్‌ఈ కవిత అధికారులను ఆదేశించారు. బుధవారం బొబ్బిలి మండలంలోని కారాడ గ్రామంలో ఆమె ఆకస్మికంగా పర్యటించారు. గ్రామంలోని సీపీడబ్ల్యూఎస్‌ స్కీమ్‌ సోర్స్‌తో పాటు కమ్యూనిటీ శానిటరీ కాంప్లెక్స్‌ను తనిఖీ చేశారు. ఈ సందర్భంగా తాగునీటి సరఫరా వ్యవస్థ పనితీరును, నీటి వనరుల నిర్వహణను, పరిసరాల పరిశుభ్రత ప్రమాణాలను ఎస్‌ఈ పరిశీలించారు. ప్రజలకు సురక్షితమైన తాగునీరు నిరంతరాయంగా అందేలా అధికారులు ముందస్తు చర్యలు తీసుకోవాలని సూచించారు. నీటి సరఫరాలో సమస్యలు తలెత్తితే వెంటనే పరిష్కరించేలా పర్యవేక్షణ కొనసాగించాలని ఆదేశించారు. అనంతరం బంకురువలస గ్రామంలో నిర్వహించిన జల్‌ అర్పణ్‌ దివస్‌ కార్యక్రమంలో కవిత పాల్గొన్నారు. గ్రామంలోని ప్రతి ఇంటికీ కుళాయి ద్వారా రక్షిత తాగునీరు అందుతున్న నేపథ్యంలో బంకురువలసను **‘హర్‌ ఘర్‌ జల్‌ గ్రామం’**గా అధికారికంగా ప్రకటించారు. ఈ మేరకు గ్రామానికి డిక్లరేషన్‌ అందజేశారు. ఈ కార్యక్రమంలో డీఈఈ ఢిల్లేశ్వరరావు, ఎంపీడీవో రవికుమార్‌, డిప్యూటీ ఎంపీడీవో చంద్రమౌళీశ్వరరావు, ఏఈఈ విశ్వతేజ తదితరులు పాల్గొన్నారు