తాజా వార్తలు
6 articles published
Guntur: వైజర్ గ్లోబల్ సమ్మర్ ప్రోగ్రామ్‌లో ‘క్వాంటమ్ ఎలైట్’గా చైత్ర దీపిక
గుంటూరు జిల్లా వింజనంపాడులోని కిట్స్ కళాశాల బీటెక్ విద్యార్థిని గంట చైత్ర దీపిక ‘వైజర్ గ్లోబల్ సమ్మర్ ప్రోగ్రామ్–2026’లో ‘క్వాంటమ్ ఎలైట్’గా ఎంపికయ్యారు. 33 దేశాల నుంచి 64,436 మంది నమోదు చేసుకున్న ఈ కార్యక్రమంలో తుది దశలో ఎంపికైన 10 మందిలో ఆమె చోటు సంపాదించారు. క్వాంటమ్ కంప్యూటింగ్ ఆధారంగా రూపొందించిన ‘క్వాంటమ్‌ఫ్లో ఇంటెలిజెంట్ ఆర్డర్ ఆప్టిమైజేషన్’ ప్రాజెక్ట్‌ను కూడా ఆమె ప్రదర్శించారు.
ఏలూరు: అక్టోబర్ పింఛన్ల పంపిణీకి ఏర్పాట్లు పూర్తి
ఏలూరు జిల్లాలో అక్టోబర్ నెలకు సంబంధించి 2,53,360 మంది పింఛనుదారులకు రూ.111.69 కోట్ల పింఛన్లను పంపిణీ చేసేందుకు అధికారులు సిద్ధమయ్యారు. అక్టోబర్ 1న ఉదయం 7 గంటల నుంచి పంపిణీ ప్రారంభం కానుండగా, ఆ రోజు తీసుకోని వారికి అక్టోబర్ 2న అందించనున్నారు.
తుఫాన్ ముప్పు.. శ్రీకాకుళం అధికారులను అప్రమత్తం చేసిన మంత్రి అచ్చెన్నాయుడు
శ్రీకాకుళం జిల్లాకు తుఫాన్ ముప్పు నేపథ్యంలో మంత్రి అచ్చెన్నాయుడు జిల్లా కలెక్టర్, వివిధ శాఖల అధికారులతో సమీక్షించారు. భారీ వర్షాలు, ఈదురుగాలుల ప్రభావంతో ప్రాణ, ఆస్తి నష్టం జరగకుండా ముందస్తు చర్యలు చేపట్టాలని ఆదేశించారు. తీర, లోతట్టు ప్రాంతాలపై నిఘా, పునరావాస కేంద్రాల సిద్ధం, మత్స్యకారుల భద్రత, అత్యవసర సేవలను అందుబాటులో ఉంచడంపై ప్రత్యేకంగా దృష్టి పెట్టాలని సూచించారు.
డీఎస్సీ స్పోర్ట్స్ కోటా వివాదం.. శాప్ కార్యాలయం వద్ద ఉద్రిక్తత
ఏపీ మెగా డీఎస్సీ స్పోర్ట్స్ కోటా నియామకాలపై వివాదం మళ్లీ రాజకీయ ఉద్రిక్తతకు దారితీసింది. విజయవాడ శాప్ కార్యాలయం వద్ద వైసీపీ నిరసన చేపట్టగా, స్పోర్ట్స్ కోటా టీచర్లు కూడా అక్కడికి చేరుకున్నారు. నియామకాల్లో అవకతవకలు, నకిలీ సర్టిఫికెట్లపై వైసీపీ ఆరోపణలు చేస్తుండగా.. తాము మెరిట్, అర్హతలతోనే ఉద్యోగాలు పొందామని టీచర్లు చెబుతున్నారు. ఇదే సమయంలో ఉపాధ్యాయులపై భౌతిక దాడులకు పాల్పడటం సరికాదని మంత్రి బీసీ జనార్దన్ రెడ్డి పేర్కొన్నారు.
RTI దరఖాస్తుల దుర్వినియోగంపై సమాచార కమిషన్ కీలక ఆదేశాలు.. పునరావృత దరఖాస్తులపై స్పష్టత
ఆంధ్రప్రదేశ్ సమాచార కమిషన్ 102 RTI కేసులను ఒకే బ్యాచ్‌గా విచారిస్తూ, పునరావృత ఆర్టీఐ దరఖాస్తులు, అప్పీళ్లపై కీలక వ్యాఖ్యలు చేసింది. ఇప్పటికే అందించిన సమాచారాన్ని మళ్లీ మళ్లీ కోరడం వల్ల అధికారులపై అనవసర భారం పడుతుందని పేర్కొంది. అలాగే, ప్రభుత్వ రికార్డుల్లో ఉన్న సమాచారాన్ని పొందడమే RTI హక్కు పరిధిలోకి వస్తుందని.. కొత్తగా సమాచారం సృష్టించడం, డేటాను విశ్లేషించి నివేదికలు తయారు చేయడం అధికారుల బాధ్యత కాదని స్పష్టం చేసింది.
Onion Price Hike: కోయకుండానే కన్నీళ్లు పెట్టిస్తున్న ఉల్లి.. దిగుబడి ఉన్నా ధరలు ఎందుకు పెరుగుతున్నాయి?
దేశంలో ఉల్లి ఉత్పత్తి సరిపడా ఉన్నప్పటికీ.. ప్రస్తుతం ధరలు భారీగా పెరగడానికి సీజనల్ సరఫరా అంతరం, పాత రబీ నిల్వలు తగ్గిపోవడం, కొత్త ఖరీఫ్ పంట ఆలస్యం, రవాణా–పంపిణీ సమస్యలు ప్రధాన కారణాలుగా ఉన్నాయి. కేంద్రం బఫర్ స్టాక్‌ను రూ.35కే విక్రయిస్తున్నా, ఆ ఉల్లి అన్ని ప్రాంతాలకు సమానంగా చేరకపోవడంతో బహిరంగ మార్కెట్‌లో ధరలు అధికంగా కొనసాగుతున్నాయి.
